اسسسسرآآر البنـــآآت

يا كثر ما مرت علي من قصص بخصوص علاقة البنات الغير شرعيه مع الشباب
كانت زمان
تبدأ بالنظره
بعدين السلام
بعدين الابتسامه
بعدين الترقيم
بعدين المكالمه الصعبه والوحده تكون منخشه علشان محد يكشفها
وكثير منها ينتهي باللقاء
وبعدها الفضايح وحسبنا الله ونعم الوكيل

...............
في هذا الزمان
صارت تبتدي من كل مكان وفي كل زاويه ما يحتاج ترقيم ولا تعب
في مسن في بلاك بيري في اي فون وفي جوالات وكل شي وكلها تصير في غرفة النوم بلاحسيب ولا رقيب
اه من هالزمن الأغبر

....................

اول شي
راح تغضبين ربك وهذي اكبر المصايب
ربي رحيم ولكنه شديد العقاب لأنه يمهل ويمهل ويمهل ولكن في النهايه لا يهمل
.....................

ثاني شي
في هالعلاقات راح تكون خيانه للنفس قبل الاهل
كيف تكون خيانه للنفس
راح تتعب نفسك يا صاحبة هالطريق
وراح ترهقينها وراح تتعبينها وراح تشتكيك يوم القيامه
الأذن راح تشهد
واللسان راح يشهد
والقدم اللي مشيتي فيها للحرام راح تشهد
واليد اللي مسكتي فيها هالاجهزه واستخدميتها في الحرام راح تشهد عليك
كل شي راح يشهد عند رب العباد اللي عيونه ما تنام
..............
ثالث شي
فيها خيانه لأهلك
اهلك المساكين اللي وثقوا فيك وعطوك كل شي تتمنينه وخنتيهم عن طريق هالشي اللي ملكوك اياه
صحيح انهم برضو سبب اساسي في مساعدتهم لك بخيانتهم ولكن برضو فيها خيانه
لأن بعض الاهل ثقتهم في بناتهم مو طبيعيه لدرجة العمى وفي النهايه راح تخليهم يعظون اصابع الندم ويتمنون ان صار ايش ما صار ولا اعطوك هالاجهزه في يدك
.................
رابع شي
الفضيحه يومها راح تقولين ياليتني مت قبل هذا او كنت نسيا منسيا
فضيحه لك ولأهلك وتبقى وصمة عار على جبينكم طول العمر
......................


والله العظيم كثير من الحكايات اللي سمعتها وشفتها انتهت بمأساه
سواء الاشرطه اللي اسمعها من الشيوخ
او من خلال ما عاصرت وشفت قصص صارت لبنات اعرفهم زمان
.........................

لا تفكرين في يوم من الايام ان هذا اللي تكلمينه انه فعلا يحبك من صميم فؤاده
وحده اعرفها كلمت واحد سنين مو سنه ومن كلامها اللي حكتني اياه انو كان طيب ومافي مثله ابد
كانت تنخطب وتردهم بسبب حبها الجنوني له
لما قررت انها تترك هالطريق وتتوب الى الله قالت له خلاص ما ابي استمر في هالطريق
تقول سبحان الله هالانسان انقلب 180 درجه وهددها بالصور وقال ان في شريط مسجل لك عندي
تجننت مسكينه حاولت انها تذكره بالله ومره مافيه فايده لما دخلت عمها في السالفه بعدها ما عاد شافته
........................
اغلبهم على فكره جبناء يهددون البنات وبس علشان ترضخ لهم وتنفذ لهم اللي يبونه
.............
لكن اللي ماشيه في هالطريق لازم لازم توقف قبل لا يوقع الفاس في الراس
الله يمهل ولا يهمل
ودائما الفضيحه تجي في مكان غير متوقع
او زمان غير متوقع
تستنين المصايب تجيك وتعيشين طول عمرك في جحيم شك الاهل
وسجن وعذاب وبلاوي اللهم يا كافي!؟


.........................
توكلي على الله واتركي هالطريق تكفين اتركيه لا تستمرين عليه
حتى لو كان لك عنده صور اتركيه وتوكلي على الله وحده واعرفي ان الله لا يخيب ظن العبد دام العبد يحسن الظن بالله
اذا حصل وهددك بالصور لا قدر الله لا تقاومينه ولا تحاولين حتى ولكن استمعي له لما النهايه
بعدها بلغي عنه الهيئه ولا تهددينه بالهيئه ابد ابد خلي كل شي بسريه الهيئه بإذن الله راح تتعامل مع هالمريض
.......................

اذا تخلصتي منه تخلصي من كل شي كان يربطك فيه
سواء صور او هدايا
شريحة جوالك غيريها للأبد
......................

وابتدي غيري نظام حياتك كله علشان تنسين هالشخص بالذات اذا كانت تربطك فيه علاقة حب وهميه لأن مافي شي اسمه حب حقيقي بهالطريقه ترى كله وهم في وهم
وهموم تتبعها هموم
وحزن وكدر
اطلعي واجتمعي في الناس
غيري جو
لازم تغيرين كل شي بحياتك علشان ما تفكرين في هالشخص مره ثانيه ابد
ولا تنسين ان الشيطان يدخل مداخل كثير علشان كذا تخلصي من كل شي سوى صور او هدايا او رسايل ..
............
لا تقولين ما راح احاول حتى اني اقرأ الموضوع او اسمع للنصايح تراه الشيطان يوسوس لك ويقول طريقك صح ومافيه شي اسمعي اول وحكمي عقلك قبل قلبك

..........................................

آخر الموضوع
اتمنى اني كنت ضيفه خفيفه عليكم
.......................

يسسلممموو وصح كككلاممك

نورتتتتتتتتتتتي